Лукашэнка ляціць на дзень нараджэння Пуціна

• 4.10.2024, 12:42

Таксама ў Маскве адбудзецца пасяджэнне рады кіраўнікоў дзяржаў СНД.

Лукашэнка ў пачатку наступнага тыдня зробіць візіт у Маскву. Як паведаміў на сённяшнім брыфінгу прэс-сакратар Крамля Дзмітрый Пяскоў, у расейскай сталіцы адбудзецца пасяджэнне рады кіраўнікоў дзяржаў СНД.

«На наступным тыдні будзе пасяджэнне рады кіраўнікоў дзяржаў — удзельніц СНД, поўнафарматнае, з такім дастаткова поўным парадкам дня», — цытуе яго ТАСС.

Пяскоў дадаў, што 7 кастрычніка «ўвечары будуць кіраўнікі дзяржаў СНД у прэзідэнта» Уладзіміра Пуціна.

7 кастрычніка - дзень нараджэння кіраўніка Крамля. У гэтым годзе Пуціну спаўняецца 72 гады.