Відэафакт: УСУ збілі расейскі Су-25

• 23.07.2024, 12:26

Другі за месяц.

У Данецкай вобласці 23 ліпеня ўкраінскія вайскоўцы збілі расейскі баявы самалёт Су-25, які спрабаваў абстрэльваць пазіцыі падраздзяленняў Сіл абароны.

Пра гэта паведамляе 110 асобная механізаваная брыгада імя генерал-харунжага Марка Бязручка.

«У раёне Пакроўскага трыкутніка (анамальная зона падзення акупанцкіх бартоў) зноў знік з сувязі варожы Су-25. Два расейскія пілоты мелі вар'яцтва заляцець фактычна ўшчыльную да нашых пазіцый. За сваё нахабства адзін з іх быў імгненна пакараны», - гаворыцца ў паведамленні.