Пагадненне аб рэдказямельных металах: ЗША хацелі правы на 50% выкапняў

• 15.02.2025, 12:18

Зяленскі адмовіўся праз адсутнасць гарантый бяспекі.

Украінскі лідар Уладзімір Зяленскі на Мюнхенскай канферэнцыі ў бяспецы заявіў, што не будзе падпісваць пагадненне аб украінскіх рэдказямельных металах, паколькі яно не ўтрымлівае гарантый бяспекі для нашай дзяржавы.

Пра гэта паведаміў журналіст і аглядальнік выдання Washington Post Джош Рогін. Таксама пра гэта піша NBC News.

Паводле ягоных словаў, падчас сустрэчы з амерыканскімі заканадаўцамі Зяленскі расказаў ім пра змест дакумента, які яму прэзентавала амбасадарка ЗША Брыджыт Брынк напярэдадні візіту міністра фінансаў ЗША Скота Бесэнта ў Кіеў.

Між тым NBC News піша са спасылкай на 8 інфармаваных крыніцаў, што праект пагаднення ўкраінскаму прэзідэнту прапанаваў сам амерыканскі міністр. Пасля гэтага Зяленскі папрасіў час, каб вывучыць дакумент і пракансультавацца датычна яго.

У ім нібыта гаварылася, што ЗША атрымаюць правы на 50% запасаў карысных выкапняў ва Украіне. Украінскі прэзідэнт заявіў, што не можа яго падпісаць, бо дакумент не ўтрымлівае ніякіх гарантый бяспекі для Украіны.

NBC News сцвярджае, што ў пагадненні, якое прывёз Бесэнт, таксама быў сігнал аб адкрытасці ЗША да разгортвання амерыканскіх войскаў ва Украіне для аховы выкапняў у выпадку спынення агню з Расеяй.