Украінскія ваяры на Bradley знішчылі самы сучасны танк РФ Т-90М «Прарыў»

• 9.02.2025, 18:31

Экспэрты расказалі, у чым асаблівасць гэтага бою.

Дзве ўкраінскія БМП "Брэдлі" знішчылі найноўшы расейскі танк Т-90М "Прарыў" у раёне н.п. Стэпавае на Данеччыне. Кадры знішчэння браняванага монстра акупантаў у сацсетцы Х апублікаваў вайсковы блогер Clooud, піша wheel-news.com.

Сутыкненне адбылося некалькі дзён таму. Тады ж з'явіліся першыя відэа. Цяпер OSINT-аналітык падаў эпізод з новага ракурсу.

У роліку зафіксавана паспяховая стральба ў бартавую праекцыю танка з 25-мм гарматы Bushmaster. На апошніх секундах відаць спрацоўванне ўсталяванай на "Прарыве" дынамічнай абароны "Рэлікт".

Экспэрты, якія азнаёміліся з ролікам, мяркуюць, што ўкраінскім абаронцам удалося пашкодзіць оптыку танка і нанесці яму шкоду, аднак цяжар пашкоджанняў і канчатковыя наступствы атакі застаюцца незразумелымі. Некаторыя выказалі здагадку, што ўкраінцам трапіўся слаба навучаны экіпаж расейцаў.

Гэты эпізод прадэманстраваў эфектыўнасць выкарыстання сучасных БМП у супрацьстаянні з перадавымі танкамі.