У Беларусі забаранілі прадаваць вядомы дзіцячы прысмак

• 10.03.2025, 10:59

Гэты прадукт небяспечны.

У Беларусі забаранілі продаж фруктовага мікса з груш, яблыкаў, сліў і ананасаў для дзяцей ранняга ўзросту з маркіроўкай "Фруто няня", паведаміла прэс-служба Дзяржстандарта.

Экспэрты зрабілі выснову, што тавар не адпавядае патрабаванням бяспекі харчовай прадукцыі.

"У выніку праведзеных выпрабаванняў у складзе прадукту знойдзена харчовая дабаўка - кансервант дыяксід серы, недапушчальная для выкарыстання пры вытворчасці прадуктаў дзіцячага харчавання для дзяцей ранняга ўзросту, што можа выклікаць алергічныя рэакцыі або супрацьпаказанні пры асобных тыпах захворванняў", - расказалі ў Дзяржстандарце.

Тавар забаронены да рэалізацыі ў нашай краіне і канфіскаваны з абарачэння. Вытворцу накіравалі прадпісанне аб выпраўленні парушэнняў.