Колькі каштавала самая дарагая кватэра Менска ў лютым?

• 11.03.2025, 21:20

Яна размешчаная ў элітным жылым комплексе Depo.

Самая дарагая кватэра, прададзеная ў Менску ў лютым 2025 года, абышлася пакупніку на $493 тысячы, піша Realt.by.

Кватэра размешчаная ў элітным жылым комплексе Depo на вуліцы Кісялёва, 6б.

Плошча чатырохпакаёвай кватэры на пятым паверсе складае 120 квадратных метраў. Вышыня столяў – больш за тры метры. Усяго ў доме знаходзіцца 21 кватэра.

ЖК будуецца ў раёне плошчы Перамогі. Ён узводзіцца на месцы, дзе ў XIX стагоддзі знаходзіўся конны рынак, а ў XX стагоддзі – трамвайнае дэпо, пазней пераўтворанае ў тралейбуснае.

Нагадаем, што ў студзені самую дарагую кватэру ў Менску прадалі за $425 тысячаў.