У палон да «Азова» трапіў гаваркі рыбак з Чукоткі

• 12.03.2025, 9:30

Што ён расказаў?

На вайне супраць Украіны ўзялі ў палон рыбака з Чукоткі, які пайшоў ваяваць праз ціск з боку ўчастковага і вайсковага камісарыяту.

Як паведамляе Telegram-канал «Мікалаеўскі Ванёк», Васіль Ятыргін – адзінаццаты палонны з групы, якую раней удалося захапіць байцам «Азова». Жыхар пасёлка Эгвекінот расказаў, што яго ўгаворвалі падпісаць кантракт з Мінабароны, бо там няма працы:

«Цяпер прыеду, вядома, і скажу яму (участковаму)».

Раней судзімы акупант вучыўся на аператара-наводчыка баявой машыны пяхоты, аднак мінулай восенню яго пакаралі пераводам у пяхоту за тое, што піў на службе. Ён кажа, што патрапіў у палон, калі дастаўляў спальныя мяшкі і РЭБы - украінскія абаронцы атакавалі пяхотнікаў з дапамогай дронаў. З 12 захопнікаў выжылі двое, яны абодва здаліся ў палон.