Ашуканцы прыдумалі новы метад падману

• 12.03.2025, 16:02

Тэлефануюць нібы з паліклінікі.

Ашуканцы ў Беларусі ўзялі на ўзбраенне новы метад падману. Беларусы расказваюць у сацсетках, што ім тэлефануюць нібыта з паліклінікі. Невядомы прадстаўляецца работнікам рэгістратуры і прапануе запісацца на планавую дыспансерызацыю.

Для запісу «работнік паліклінікі» просіць прадыктаваць ідэнтыфікацыйны нумар з пашпарта. Пасля гэтага на Viber быццам павінна прыйсці пацвярджэнне запісу.

Аднак замест гэтага ахвяры паступае яшчэ адзін званок, ужо нібыта ад сілавіка. Тэлефануючы кажа чалавеку, што ён перадаў асабовыя звесткі ашуканцам, і на яго імя зараз возьмуць крэдыты. Далей - звыклая схема: ахвяры даручаюць пайсці ў банк, узяць крэдыты самастойна і перавесці грошы на нібы бяспечны рахунак.

Важна памятаць, што рэальныя супрацоўнікі паліклінікі ці наўрад будуць прасіць пашпартныя звесткі праз тэлефон.