Рубіё распавёў, што будуць рабіць у ЗША ў выпадку адмовы РФ ад спынення агню

• 12.03.2025, 16:40

У Крамлі на гэты момант «вывучаюць заявы».

У ЗША не выключаюць, што Расея можа адмовіцца ад спынення агню ва Украіне. У такім выпадку «гэта скажа шмат пра тое, якія іх мэты».

Аб гэтым піша РБК-Украіна са спасылкай на заяву дзяржсакратара ЗША Марка Рубіё падчас брыфінгу ў Ірландыі.

Так, дзяржсакратар ЗША падкрэсліў, што мэтай прэзідэнта ЗША Дональда Трампа з'яўляецца ўстанаўленне не «30- ці 60-дзённага, а ўстойлівага міру», і для гэтага «абодва бакі павінны будуць сесці за стол перамоў».

«Калі Расея скажа не, то нам трэба будзе ўсё прааналізаваць і высветліць, дзе нашае месца ў свеце і што яны хочуць зрабіць. Калі яны скажуць «не», гэта скажа шмат пра тое, якія іх мэты і настрой», - адзначыў ён.

Рубіё дадаў, што на апошняй сустрэчы з расейцамі ЗША задалі ім пытанне аб тым, ці жадаюць яны скончыць вайну або працягваць яе да дасягнення нейкіх мэт, і яны выказалі «гатоўнасць» (да заканчэння вайны, - рэд).

«Ніхто не робіць выгляд, што гэтыя перамовы будуць простымі або хуткімі», - рэзюмаваў дзяржсакратар ЗША.

Перамовы ЗША і Украіны: рэжым спынення агню

Пытанне аб увядзенні рэжыму спынення агню на 30 дзён было ўзгодненае падчас сустрэчы ўкраінскай і амерыканскай дэлегацый у Савудаўскай Арабіі 11 сакавіка.

На гэты момант аналагічная пастанова з Расеяй не ўзгодненая. У Крамлі на гэты момант вывучаюць заявы, зробленыя падчас сустрэчы ЗША і Украіны. Таксама не выключаецца сустрэча Уладзіміра Пуціна і Дональда Трампа.

Дададзім і той факт, што раней Рубіё ўдакладняў, што ЗША будуць кантактаваць з расейцамі ў гэтым пытанні ўжо 12 сакавіка.