Пад Менскам будуюць дзіцячы садок у стылі канструктара LEGO

• 13.03.2025, 9:20

Яе плануецца адкрыць да канца года.

У жылым квартале "Новая Баравая" пад Менскам пачалі будаваць дзіцячы садок "Кубікі". Яго фасады, інтэр'еры і ўся прылеглая тэрыторыя будуць адсылаць да цацачнага сусвету, нібы зробленыя з рознакаляровага канструктара, піша «Беларусь и мир».

Забудоўшчык «А-100 Дэвелапмент» пабудуе, аформіць і ўкамплектуе садок за свой кошт, пасля чаго бязвыплатна перадасць яго на баланс дзяржавы. Установа прыме 240 дзяцей рознага ўзросту. Яе плануецца адкрыць да канца года.

Адчуванне будынка-канструктара створаць буйныя прастакутнікі, на якія белымі лініямі падзелены фасад. Усярэдзіне іх - стылізаваныя каляровыя дэталі рознай даўжыні. Уваходы таксама выканаюць у выглядзе цацачных элементаў.

У будынку прадуманы светлыя інтэр'еры з вялікімі вокнамі, а для кантрасту архітэктары выкарыстоўваюць яркія колеры. Грамадскія прасторы будуць перацякаць з адной у іншую дзякуючы зашклёным дзвярам і вітражам.

У садку будзе шмат пазнавальнай графікі з персанажамі лесу, тропікаў, пустыні і акіяна, выкананых у выглядзе яркіх кубікаў канструктара. Дзеці змогуць сустрэць соннага мядзведзя, тукана на галінцы і кракадзіла з птушачкай на носе.

Прылеглую тэрыторыю добраўпарадкуюць так, што яна стане яшчэ адной адсылкай да дэталяў канструктара. Прадугледжаная дзіцячая пляцоўка, гульнявы комплекс, агародчык з зонай дарожных знакаў, спартыўная зона з гумовым пакрыццём.