Rheinmetall гатовы ўзброіць міратворцаў ва Украіне

• 13.03.2025, 10:19

Нямецкі канцэрн можа прапанаваць больш за 2000 найменняў тэхнікі і зброі.

Нямецкі канцэрн Rheinmetall гатовы ўзброіць магчымую міратворчую місію ва Украіне.

Пра гэта ў каментары DW заявіў кіраўнік кампаніі Армін Папергэр.

“Пакуль гаворка ідзе пра тэарэтычныя магчымасці. Канкрэтныя размовы пакуль не вядуцца”, - сказаў ён.

Паводле ягоных слоў, Rheinmetall можа прапанаваць "больш за 2000 найменняў", але канкрэтныя лічбы магчымых паставак не назваў.

У якасці прыкладу Папергэр назваў пастаўкі нямецкай танкавай брыгады ў Літве, разгортванне якой павінна завяршыцца да 2027 года. Гаворка можа ісці "перш за ўсё аб танках і браняваных аўтамабілях".

Ён таксама згадаў вырабленыя кампаніяй сродкі РЭБ і выведвальныя дроны, якія могуць спатрэбіцца для кантролю, "калі будзе праведзеная лінія размежавання".

У сувязі з гэтым ён назваў і выведвальныя спадарожнікі, у якія Rheinmetall "цяпер інвестуе".