РасСМІ анансавалі сустрэчу пасланніка Трампа з Пуціным у Маскве

• 13.03.2025, 16:58

Сустрэча пройдзе пасля перамоў кіраўніка Крамля і Лукашэнкі.

Спецыяльны пасланнік прэзідэнта ЗША Стыў Уіткоф увечары 13 сакавіка сустрэнецца з гаспадаром Крамля Уладзімірам Пуціным у Маскве, куды прыбыў раней у чацвер.

Пра гэта паведаміла расейская газета «Коммерсант».

Паводле інфармацыі СМІ, пасля перамоў з Аляксандрам Лукашэнкам Пуцін прыме Уіткофа «ў 1-м корпусе Крамля».

Іншых дэталяў сустрэчы не прыводзіцца.

Як вядома, самалёт спецпасланніка прэзідэнта ЗША Дональда Трампа Стыва Уіткофа ў чацвер прызямліўся ў Маскве.

Чакаецца, што ён прадставіць у Расеі вынікі перамоў з украінскай дэлегацыяй у Джыдзе, якія адбыліся 11 сакавіка.