СМІ: Трамп стаміўся ад выхваляння Пуціна і перакрыў пастаўкі расейскай нафты ў Еўропу

• 14.03.2025, 14:03

Што азначае скасаванне ліцэнзіі часоў Байдэна?

Прэзідэнт ЗША Дональд Трамп, відавочна, пачынае стрымліваць свае словы аб гатоўнасці ўзмацнення санкцый супраць Расеі, каб прымусіць Крэмль пайсці на спыненне агню ва Украіне, піша “Дыялог.UA”.

Трамп ладзіць пахаванне пастаўкам расейскай нафты ў Еўропу

Міністэрства фінансаў ЗША скасавала выключэнне адміністрацыі Джо Байдэна, якое дазваляла падсанкцыйным расейскім банкам апрацоўваць еўрапейскія аплаты за пастаўкі нафты з РФ.

Пра гэта піша амерыканскі аглядальнік Марк Тысэн на сваёй старонцы ў сацсетцы X, публікуючы адпаведны дакумент.

"Цяпер ніхто ў Еўропе не можа купляць расейскую нафту", - адзначыў журналіст.

Аналагічную інфармацыю прыводзіць і карэспандэнт Fox News у Белым доме Эдвард Лоўрэнс са спасылкай на крыніцы. Ён мяркуе, што гэта вагар ціску на Крэмль у перамовах аб заканчэнні вайны ва Украіне.

Спроба Пуціна націснуць на Трампа няўдалая

Аўтар пад нікам Bonchie, які піша на амерыканскім кансерватыўным сайце RedState, каментуючы гэту пастаеову Вашынгтона, мяркуе, што “Трам стаміўся ад выхваляння Пуціна”.

“Пасля таго, як прэзідэнт ЗША папрасіў Пуціна спыніць атакаваць Украіну, каб можна было арганізаваць перамовы, Расея працягнула эскалацыю нападаў, у тым ліку на цывільныя раёны. Магчыма, мэта ў дэманстрацыі сілы і спробе паставіць Трампа ў нявыгаднае становішча за сталом перамоў. Якая б ні была прычына, гэта, здаецца, не згуляла на карысць Расеі”, – гаворыцца ў матэрыяле.

Аўтар адзначае, што нафтавыя санкцыі супраць РФ з'яўляюцца балючымі для Крамля. Калі б РФ магла без страт пераарыентаваць усе свае нафтавыя продажы на так званыя больш прыязныя краіны, яна б ужо гэта зрабіла.

"Іншымі словамі, у Трампа ёсць вагары ціску ў будучых перамовах, і Пуціну варта задумацца пра больш згаворлівы падыход", – канстатаваў аглядальнік.