УСУ контратакавалі расейцаў у Данецкай вобласці і занялі ўскраіну Шаўчэнка

• 14.03.2025, 9:16

Акупантаў адкінулі з іх пазіцый.

У Данецкай вобласці Сілы абароны Украіны контратакавалі расейцаў у раёне пасёлка Шаўчэнка. Яны змаглі рушыць наперад на ўскраіну населенага пункта. Пра гэта ў сваім тэлеграм-канале распавёў баец Сіл абароны з пазыўным "Мучны".

“Правялі невялікую контратаку і змаглі дасягнуць паўднёвай часткі пасёлка на базе адпачынку ля сажалкі. Вораг пачаў працаваць дронамі і падбіў нашу тэхніку, баявая праца працягваецца. У вёсцы яшчэ застаюцца акупанты, думаю яшчэ давядзецца правесці зачыстку, цяжка гэта будзе зрабіць, калі працуюць экіпажы супраціўніка, але для нас няма перашкод”, - напісаў ён.

“Мучны” адзначыў, што баі працягваюцца і казаць аб тым, што Сілы абароны Украіны атрымалі кантроль над пасёлкам, рана.