Прэм'ера Харватыі шпіталізавалі праз праблемы з сэрцам

• 15.03.2025, 13:56

Прадстаўнік ураду паведаміў падрабязнасці.

У пятніцу, 14 сакавіка, прэм'ер-міністра Харватыі Андрэя Плянковіча шпіталізавалі з перыядычным дабраякасным парушэннем сардэчнага рытму.

Пра гэта расказаў прадстаўнік ураду Харватыі ў каментары HINA.

Адзначаецца, што яго шпіталізавалі ў Заграбскі клінічны шпітальны цэнтр.

У суботу, 15 сакавіка, ва ўрадзе краіны паведамілі, што лячэнне было запланаванае загадзя і закончылася паспяхова.