Сіноптыкі далі прагноз надвор'я на 16 сакавіка

• 15.03.2025, 17:44

Месцамі галалёдзіца і да -10°С уначы.

На дарогах месцамі галалёдзіца і да мінус 10-й уначы чакаецца ў Беларусі 16 сакавіка. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У гэты дзень чакаецца пераменная хмарнасць. Пераважна без ападкаў, толькі ўдзень па паўночным захадзе кароткачасовыя ападкі ў выглядзе мокрага снегу, дажджу. Уначы і раніцай месцамі слабыя туман і галалёд. На асобных участках дарог галалёдзіца.

Вецер уначы няўстойлівы слабы, удзень заходні ўмераны, на паўночным захадзе парывісты.

Тэмпература паветра мінімальная ўначы ад мінус 4 да мінус 10, максімальная ўдзень ад 3 да 9 вышэй за нуль.