На станцыі метро «Няміга» выратавалі менчука, які ўпаў на рэйкі

• 16.03.2025, 17:17

Хлопец не мог падняцца самастойна.

На ст. м. «Няміга» маладзён упаў на рэйкі. На платформу яго паднялі відавочцы, піша агенцтва «Минск-Новости» са спасылкай на прэс-службу метрапалітэна.

Усё адбылося раніцай 16 сакавіка а 5.37.

Мяркуючы з усяго, хлопец не мог падняцца самастойна пасля падзення. Як ягонае самаадчуванне і чаму ён упаў, не ўдакладняецца.

Надзвычайнае здарэнне не паўплывала на графік руху цягнікоў.