У Менску за 15 хвілін згарэў пасажырскі аўтобус «МАЗ»

• 16.03.2025, 17:30

Фотофакт.

У Менску на скрыжаванні Лагойскага тракту і вуліцы Гамарніка загарэўся аўтобус, паведамілі ў ДАІ.

Інцыдэнт адбыўся ўвечары 16 сакавіка. Рух па Лагойскім тракце з боку МКАД у кірунку вуліцы Гамарніка абмежаваны.

Цяпер пажар ліквідаваны. Мяркуючы з фота і інфармацыі сведкаў, транспартны сродак згарэў цалкам менш, чым за 15 хвілін.

Паводле інфармацыі МНС, на месцы пажару працавалі тры адзінкі тэхнікі. Да прыбыцця ратавальнікаў "са загараннем спрабаваў даць рады з дапамогай вогнетушыцеляў кіроўца аўтобуса".

Пацярпелых няма.